Jæja, línurnar farnar að skýrast

Jæja félagar, nú ert allt orðið klárt fyrir helgina og tími til komin til að upplýsa mannskapinn, þ.e ef e-r les þessa síðu. Svo er bara að vona að flestir mæti :-)

En enn og aftur, við hittumst við shell kl 18.00 með búss og kruðerí, meira fáið þið ekki að vita......bara bíðið spennt!

Svo til að skýra þetta betur þá bara svörum við spurningunum hans Ragga rúsínu hér.....

Hvað á maður að koma með að drekka? Þú Raggi kemur með 4 ltr af vodka, 2 kassa af bjór og kannski eina hvítvín fyrir laugardagskvöldið. Ætlar þú ekki annars að vera fullur alla helgina?

Hvað má maður koma með mikinn vasapening? Það er skylda að kaupa bland í poka í shell, vettlinga í Drymlu og öl á barnum hjá Rögnu og matinn á laugardagskvöld, annað er frítt!

Hvað eru margir frímiðar í sund? Frítt í sund fyrir börn í GB, kláraðir þú nokkuð 10 bekkinn??

Hvað eru margir frímiðar í bíó? Sorrý, búið að rústa bíósalnum í FB.

Hjá hverjum sit ég í rútunni? Sorrý, Benni er að skipuleggja þetta svo það verður engin rúta, bara skokkað á milli staða.

Er ekki örugglega allt frítt? Að sjálfsögðu..

Var class of '75 í Boló ekki örugglega búin að fá lán hjá KB banka fyrir þessari helgi? Nei bara SPbol, enda er hann jafn mikið á hausnum og KB

Maður spyr sig og maður vill fá svör frá nefndinni, eða er hún kannski vanhæf um halda svona svaðalegan viðburð? Það er aldeilis trúin sem þú hefur á okkur. Við erum fullkomlega hæf um að skipuleggja svona svaðalegan viðburð, við erum bara léleg í PR-inu!

Shell á föstudag kl 18 Kostar ekki krónu með gati
Íþróttahúsið á laugardag kl 14 Kostar ekki krónu með gati
Einarshús á laugardag kl 19 Kostar 4000 kr á mann - nánar útskýrt annað kvöld!

Hlökkum til að sjá ykkur öll í víkinni fögru,
Nefndin

Styttist í stuðið!!

Jæja kæru félagar, nú er aldeilis stutt í stuðið!
Planið er enn að hittast við Shell skálann kl 18 á föstudeginum, temmilega settlega klædd, svona eins og þið væruð að fara í útilegu í Skálavík - þannig að í bakpokanum á á vera e-ð að drekka og smá snakk til að narta í um kvöldið....

....þangað til næst..

Nefndin

Vesen með komment.

Ég hef verið að lenda í veseni með að kommenta á síðuna hjá okkur. Get það oftast ekki. Veit einhver hvort þetta er eitthvað stillingaratriði eða bara að ég má ekki kommenta :)
Þetta gæti verið ástæðan fyrir því að það eru ekki svo margir sem kommenta og þá oftast sama fólkið.

Ég er annars farin að hlakka til að hitta ykkur. Þarf að finna fermingardressið, er það ekki ?! Átti maður ekki að mæta í því..........

Hvernig er það annars, stefnir í 100 % mætingu hjá okkur stelpunum ?

Kv.Anna Svandís

Tæpar 6 vikur í bekkjarmótið

Það er aldeilis farið að styttast í hittinginn okkar. Ekki nema tæpar 6 vikur. Við verðum komin í Víkina fögru áður en við vitum af ( þ.e. þau okkar sem eru ekki þar fyrir).

Hverjir eru að koma fyrir utan nefndina og þá sem eru búnir að kommenta ? Verður ekki þrusu mæting.

Hrabba eða Erna, eigið þið ekki einhverja myndir til að setja inn á síðuna ?

Kv.Anna Svandís

Bréf á bekkinn - allt að gerast

Jæja kæru bekkjafélagar. Hér kemur loksins bréfið sem mun vera sent út á bekkinn. Það hefur gengið erfiðlega að fá upplýsingar frá GB um þá krakka sem hafa verið með okkur í bekk þannig að endilega skrifið í commentadálkinn þau nöfn sem þið munið eftir. Einnig viljum við biðja þá sem lesa þessa síðu að kommenta á bréfið, þá þurfum við ekki að senda ykkur það líka í pósti - alltaf að spara!!!

Elsku bestu dásamlegu æðislegu bekkjafélagar.

Í tilefni þess að 20 ár (púff) eru liðin frá því að við fermdumst ætlum við að hittast í Víkinni fögru helgina 7-9 ágúst n.k

Í tilefni þessa merka viðburðar ætlum við að hóa saman öllum þeim sem eru fæddir árið 1975 og hafa e-n tímann setið í skólastofu í Bolungarvík og vonandi sjá flestir sér fært að mæta.

Dagskrá hefst á föstudeginum þar sem við ætlum að hittast án maka, og hafa virkilega gaman. Mæting er við Shell skálann kl 18 og verður stuð fram eftir nóttu, jafnvel morgni. Hér er snyrtilegur klæðnaður ekki æskilegur og sá sem mætir í fermingagallanum fær verðlaun!

Á laugardeginum ætlum við svo að hittast mis timbruð í íþróttahúsinu og fara í tarsanleik og taka börnin og makana með.
Um kvöldið endum við svo í mat og skemmtun í Einarshúsi og tökum makana með okkur og þ.a.l. verðum við mun dannaðari en kvöldið áður. Benni verður með gítarinn og Robbi og Hrabba sjá um að stýra fjöldasöng JÍHA!!!


Vonandi sjáum við sem flesta þessa daga því þetta verður svooooo gaman hjá okkur.

Endilega látið okkur vita fyrir 1. júlí hvort þið sjáið ykkur fært að mæta og endilega sendið okkur netföngin ykkar því framhaldið mun fara fram í gegnum netið.

Bestu kveðjur og hlökkum til að sjá ykkur,
Nefndin

Benni – benni@brudkaup.is Simi 690-2302
Elísa - elisarakel@simnet.is Simi 845-8875
Ása - asatorleifs@hotmail.com Sími 862-2617


Fylgist svo með á síðunni www.vikarar75-gb.blogspot.com og svo erum við nú flest á Facebook!!!

Er fundurinn búinn ??

Hvar eru allir ???

Eru allir hættir að kíkja við hérna ?
Mér finnst við verða að vera aðeins virkari og halda síðunni gangandi.
Hvað er t.d. að frétta hjá nefndinni, er farin að hlakka rosalega til að fá bréf frá ykkur :)

Kv.Anna Svandís