20 ár!

Jæja, þá eru komin 20 ár síðan við fermdumst!
Nú auglýsi ég eftir skemmtilegum minningum frá fermingardeginum :-)
Og fékk einhver svo varanlega fermingargjöf að hún sé ennþá að virka?

Það sem ég man best eftir frá fermingardeginum var að amma og ömmusystir mín voru á milljón að moka snjóinn frá húsinu (ekki eins og mamma og pabbi hafi ekki getað gert það!) Svo hellti séra Jón messuvíni á pabba. Og svo fékk ég rosa flottar gjafir en ég á ekkert af þeim lengur held ég nema minningarnar. En ég á ennþá skræpótta vestið mitt, hárkambinn, vasklútinn og hanskana! (Og auðvitað sálmabókina sem ég syng upp úr á hverju kvöldi...)

Kveðja, Helga.

Bekkjarfundur hjá Hödda.

Jæja, við hittumst heima hjá Hödda Miðvikudagskvöldið 8. Apríl 2009.kl.20:00.
Þau sem mættu á fundin voru Höddi, Benni, Jói, Elísa, Hrafnhildur, Ása, og Anna Svandís. Við ræddum um fermingarafmælið, og ansi margt annað reyndar líka (við ætluðun eiginlega aldrei að koma okkur að verki fyrir kjaftagangi). Það var virkilega gaman hjá okkur og við sátum hjá Hödda þar til að litlu dúllurnar hans voru báðar sofnaðar í fanginu á honum. (Það er alltaf nóg að gera hjá Hödda, með fangið fullt af börnum). Við ákváðum að halda fermingarafmæli aldarinnar "MEÐ STÆL" helgina 7. - 9. Ágúst 2009. Það verður flott prógram í hjá okkur sem hefst kl. 18:00 á Föstudeginum með látum. Um miðjan dag á Laugardeginum verður fjölskylduvænt þema og á laugardagskvöldinu fá makarnir okkar að vera með okkur í mat og stuði fram eftir nóttu. Við erum með flotta hluti í huga sem við eigum eftir að fínpússa örlítið, en þið fáið öll bréf frá okkur fljótlega með meiri ipplýsingum. Við erum nokkuð viss um að það verður enginn svikin af fjörinu í víkinni þessa helgi. Við ákváðum líka að hafa uppá öllum sem hafa einhvern tíma verið í bekknum okkar, en fermdust ekki með okkur og bjóða þeim að koma og vera með. þau sem við munum eftir í fljótu bragði eru, Alma, Rósa, Dagný, Gunnar Örn, Gummi karate, Marteinn, Hilmir, og Björgmundur. Við ætlum að reyna að fá lista í skólanum. Við hittumst fljótlega eftir páska og sendum ykkur bréf fljótlega eftir það.

kveðjur úr víkinni.
Elísa.

Skíðaferðalag 1989

Erna og Martha í góðum fíling!!

Strákarnir að hlæja af Jónatani:) sem var kominn í fullt af fötum.

1989

Anna Svnadís hress á kantinum

Ég og Ása:) Skil ekki útaf hverju við vorum ekki fengnar í kókómjólk auglýsingar.

þessi mynd er tekin í þemaviku 1989, Þórir að minna fólkið á nafnið hans:)

Kv. Hrabba

Myndir

Þessi er tekin í einhverju þema 1989

Upp með stuðuð og gömlu myndirnar:)

Jæja gott fólk, nú er kominn tími til að fara að hita upp og grafa upp gamlar myndir, ég er búin að liggja hér í krampa og stelpurnar mínar eiga ekki til orð yfir hvað við voruð hallærisleg:)